The news is by your side.

Advertisement

کورونا ویکسی نیشن : ڈبلیو ایچ او نے دنیا کو بڑے خدشے سے آگاہ کردیا

عالمی ادارہ صحت کی جانب سے سال 2022 میں کورونا ویکسی نیشن کے لئے سرنجوں کی قلت کا خدشہ ظاہر کیا گیا ہے۔

اس حوالے سے ڈبلیو ایچ او کی جاری رپورٹ میں بتایا گیا ہے کہ سال 2022 میں کورونا ویکسینیشن اور بچوں کی امیونائزیشن سمیت تقریباً 2 بلین سرنجیں کی ضرورت پیش آئی گی۔

رپورٹ میں بتایا گیا ہے کہ دنیا بھر میں کورونا ویکسینیشن کے بڑھتے ہوئے رجحان کے باعث سرنجوں کی قلت کا خدشہ ہے۔

اس حوالے سے بتایا گیا ہے کہ دنیا بھر میں ئی ممالک میں سرنجوں کی قیمتوں میں اضافے کا رجحان ابھی سے پیدا ہونا شروع ہوگیا ہے۔

اس حوالے سے ورلڈ ہیلتھ آرگنائزیشن کی ماہر لیزا ہیڈ مین کا کہنا ہے کہ کسی بھی صورت میں ویکسین لگانےکے عمل اور لوگوں کی زندگیاں بچانے پر کوئی سمجھوتہ نہیں کیا جاسکتا ہے اس لئے ضروری ہے کہ اس حوالے سے قبل از وقت اقدامات کئے جائیں۔

لیزا ہیڈ مین نے واضح کیا کہ سرنجوں کی قلت عالمی سطح پر پیدا ہونے کا امکان بڑھ رہا ہے اور اگر ایسا ہو جاتا ہے تو یقینی طور پر یہ ایک انتہائی پریشان کن صورت حال پیدا کر دے گا۔ ڈبلیو ایچ او کی ماہر نے اس امکانی معاملے پر تشویش کا اظہار کیا ہے۔

Comments

یہ بھی پڑھیں