The news is by your side.

Advertisement

کیا سال 2021 بھی کرونا وائرس کی زد میں رہے گا؟

کوپن ہیگن: عالمی ادارہ صحت یورپ کے ڈائریکٹر ہینز کلوج کا کہنا ہے کہ رواں برس کرونا وائرس کی وبا جاری رہ سکتی ہے، اس کے خاتمے کا امکان سنہ 2022 کے آغاز تک ہے۔

بین الاقوامی ویب سائٹ کے مطابق عالمی ادارہ صحت کے یورپ کے لیے ڈائریکٹر ہینز کلوج نے کہا ہے کہ کرونا وائرس وبا کو ختم ہونے میں 10 ماہ لگیں گے لیکن تب بھی یہ مکمل طور پر ختم نہیں ہوگا۔

ہینز نے کہا کہ میرے خیال میں سنہ 2021 بھی کووِڈ 19 کا سال ہوگا، اس وقت ہمارے پاس وائرس کی تشخیص اور علاج کے لیے زیادہ بہتر وسائل موجود ہیں، میرے کام میں پہلے سے پلاننگ کرنے کو بہت اہمیت حاصل ہے، اس وجہ سے میرے اندازے کے مطابق یہ وبا سال 2022 کے آغاز تک ختم ہوگی۔

انہوں نے کہا کہ وبا کا خاتمہ وائرس کے خاتمے کا مفہوم نہیں رکھتا لیکن امید ہے کہ سخت حفاظتی اقدامات کی ضرورت ختم ہو جائے گی، اس معاملے میں یورپ کا باہمی اتحاد کی حالت میں رہنا ضروری ہے۔

ہینز کا کہنا تھا کہ وبا کے خلاف جدوجہد میں رواں سال کے دوران 3 موضوعات پر توجہ دینے کی ضرورت ہے، پہلا موضوع ویکسین مہم پروگرام میں تیزی لانا، دوسرا تبدیل شدہ وائرس کے مقابل ویکسین میں تبدیلی کرنا اور تیسرا سماجی فاصلے اور دیگر حفاظتی تدابیر کو برقرار رکھنا ہے۔

Comments

یہ بھی پڑھیں