جنیوا: عالمی ادارہ صحت کے ایگزیکٹو بورڈ کے اجلاس میں غزہ کی امداد کے لیے تاریخی قرارداد منظور ہو گئی۔
غیر ملکی میڈیا رپورٹس کے مطابق عالمی ادارہ صحت کے ایگزیکٹو بورڈ کے اجلاس میں غزہ کی امداد کے لیے قرارداد منظور کر لی گئی، عالمی ادارہ صحت کی تاریخ میں ساتویں مرتبہ اس طرح کی ووٹنگ ہوئی ہے۔
ڈبلیو ایچ او نے اجلاس میں مطالبہ کیا کہ غزہ کے لیے صحت سے متعلق فوری امداد دی جائے، ڈبلیو ایچ او کے ڈائریکٹر نے کہا کہ غزہ کے لیے قرارداد کا منظور ہونا انسانیت کی فتح ہے۔
انھوں نے کہا ہمارے ساتھیوں کو غزہ میں چیلنجز کا سامنا ہے، ہم نے اقوام متحدہ کے 110 سے زائد کارکنان کو کھویا ہے۔
دنیا کے ایجنڈے میں فلسطین سب سے اوپر ہے، محمد اشتیہ کی اے آر وائی سے گفتگو
دوسری طرف سربراہ فلسطینی طبی ایجنسی نے خبردار کیا ہے کہ غزہ کے نصف حصے میں اب لوگ بھوک سے مر رہے ہیں، ساڑھے 3 لاکھ افراد انفیکشن کا شکار ہیں، لوگوں کے پاس گرم کپڑے نہیں ہیں، سردی اور بارش سے بچنے کا نظام نہیں ہے۔ انھوں نے کہا کہ صاف پانی نہ ہونے سے لوگ پیٹ کی بیماریوں میں مبتلا ہیں، جب کہ 46 ہزار زخمی ہیں جن کا درست علاج نہیں کر پا رہے ہیں۔
