واشنگٹن: امریکی صدر جوبائیڈن کا کہنا ہے کہ ‘کورونا وائرس’ امریکا کے سب سے زیادہ طاقت ور دشمنوں میں سے ایک ہے۔
تفصیلات کے مطابق جوبائیڈن نے سماجی رابطے کی سائٹ ٹوئٹر پر لکھا کہ امریکا نے جن دشمنوں کا سامنا کیا ان میں سب سے زیادہ طاقت ور دشمن کووڈ 19 ہے۔
ان کا کہنا تھا کہ ہمیں مل کر آپس میں نہیں بلکہ کورونا کے خلاف لڑنا ہوگا۔ امریکا کے صدر نے اپنے ٹوئٹ میں عوام کو ہدایت کی کہ وہ ویکسین لگوائیں، بوسٹر لگوائیں اور ماسک پہنے رکھیں۔
COVID-19 is one of the most formidable enemies America has ever faced. We’ve got to work together, not against each other.
Get your vaccine. Get your booster. Wear your mask.
— President Biden (@POTUS) January 15, 2022
دنیا کے دیگر ممالک کی طرح امریکا میں بھی کورونا وائرس کی نئی قسم اومیکرون تیزی سے پھیل رہی ہے۔
امریکی حکام وبا کی موجودہ صورت حال کے پیش نظر اہم اقدامات بھی اٹھا رہے ہیں۔ بائیڈن انتظامیہ نے شہریوں کی مفت میں کورونا ٹیسٹ کے لیے انتظامات کیے ہیں۔
کورونا ٹیسٹنگ کے متعلقہ ادارے عوام کی جانب سے موصول ہونے والی فری کورونا ٹیسٹ کی درخواست پر مفت میں کووڈ19 ٹیسٹ کریں گے، حکومت نے عوام کی سہولت کے لیے یہ اقدام اٹھایا ہے۔
