پاکستانی ڈرامہ انڈسٹری کے معروف اداکار منیب بٹ نے انڈسٹری میں اپنی پسندیدہ اداکارہ سے متعلق بتادیا۔
اے آر وائی ڈیجیٹل کے ڈرامہ سیریل ’بددعا‘ اور ’یہ نہ تھی ہماری قسمت‘ میں مرکزی کردار نبھانے والے اداکار منیب بٹ کا ایک ویڈیو کلپ سوشل میڈیا پر وائرل ہورہا ہے جس میں وہ دلچسپ سوالات کے جوابات دے رہے ہیں۔
شو کے میزبان نے منیب بٹ سے پوچھا کہ ان کی پسندیدہ اداکارہ کون ہیں، کوئی ایسی اداکارہ جن کے ساتھ وہ مفت میں بھی اداکاری کرنے پر راضی ہوجائیں گے۔
اس پر منیب بٹ نے کہا کہ ان کی پسندیدہ اداکارہ یمنیٰ زیدی ہیں، انہیں یمنیٰ کے ساتھ بغیر پیسوں کے بھی کوئی کردار ملا تو وہ قبول کرلیں گے۔
ان دنوں منیب بٹ کے دو ڈرامے ’بددعا‘ اور ’یہ نہ تھی ہماری قسمت‘ اے آر وائی ڈیجیٹل پر نشر کیے جارہے ہیں، یہ نہ تھی ہماری قسمت میں منیب بٹ (ایان) حرا مانی (منتہا) کے شوہر کا کردار نبھا رہے ہیں۔
منیب بٹ نے اپنے ٹی وی کیریئر کا آغاز 2012 میں کیا اور متعدد کامیاب ڈراموں میں اداکاری کے جوہر دکھائے اور بہت کم وقت میں ٹیلی وژن کے مقبول اداکار کے طور پر ابھرے۔
اداکارہ یمنیٰ زیدی بھی اے آر وائی ڈیجیٹل کے ڈرامہ سیریل صنف آہن میں شائستہ خانزادہ کا کردار ادا کررہی ہیں۔
