کوک اسٹوڈیو سیزن 14 کے مشہور ترین گانے پسوڑی سے شہرت حاصل کرنے والی گلوکارہ شے گل نے مختصر انٹرویو میں اپنے بارے میں بتایا ہے۔
پسوڑی گانا مشہور ہونے کے بعد اس کی گلوکارہ کے بارے میں بہت سے لوگ جاننا چاہتے ہیں مگر ان کے بارے میں کم معلومات دستیاب تھیں۔
اب حال ہی میں آڈیو اسٹریمنگ ویب سائٹ اسپاٹی فائے پاکستان کو دیے گئے مختصر انٹرویو میں انہوں نے اپنے بارے میں معلومات دی ہیں۔
View this post on Instagram
اپنے نام کا صحیح تلفظ شے گل بتاتے ہوئے انہوں نے بتایا کہ ان کا تعلق لاہور سے ہے اور ان کی عمر 23 برس ہے۔
انہوں نے بتایا کہ انہوں نے ہاسٹل میں دوستوں کے ہمراہ رہنے کے دوران مذاق میں گلوکاری کا آغاز کیا تھا۔
ایک سوال کے جواب میں شے گل نے بتایا کہ ان کی خواہش ہے کہ وہ آسکر ایوارڈ یافتہ موسیقار اے آر رحمٰن اور پاکستانی میوزیکل بینڈ ینگ اسٹنرز کے ساتھ کام کرنا چاہتی ہیں۔
شے نے بتایا کہ رواں برس وہ شاعری لکھنے اور کلاسیکل میوزک کو سمجھنے کا ارادہ رکھتی ہیں اور انہیں یقین ہے کہ وہ ایسا کر لیں گی۔
خیال رہے کہ پسوڑی کوک اسٹوڈیو سیزن 14 کا وہ پہلا گانا بنا تھا جسے محض 2 دن میں 10 لاکھ سے زائد بار دیکھا گیا تھا۔
