The news is by your side.

Advertisement

نیا گورنر سندھ کون؟ فیصلہ ایک دو روز میں متوقع

سندھ کا نیا گورنر کون ہوگا فیصلہ ایک دو روز میں ہوجائے گا، ایم کیو ایم نے گورنر سندھ کے لیے 5 نام وفاق کو بھجوائے ہیں۔

اے آر وائی نیوز کے مطابق سندھ کا نیا گورنر کون ہوگا اس کا فیصلہ آئندہ ایک دو روز میں متوقع ہے۔

اس حوالے سے ذرائع نے اے آر وائی نیوز کو بتایا ہے کہ ایم کیو ایم کی جانب سے وفاق کو گورنر سندھ کیلیے 5 نام بھجوائے گئے تھے جن میں سے نسرین جلیل اور عامر چشتی اس عہدے کے لیے سب سے زیادہ مضبوط امیدوار قرار دیے جارہے ہیں۔

ذرائع نے بتایا کہ ایم کیو ایم نے ان کے علاوہ عامر خان، وسیم اختر اور کشور زہرہ کے نام بھی وفاق کو دیے ہیں لیکن نسرین جلیل اور عامر چشتی کے نام حکومتی جماعتوں کے لیے سب سے زیادہ غیر متنازع ہیں۔

مزید پڑھیں: گورنر سندھ کون ہوگا؟ ایم کیو ایم نے 5 نام بھجوا دیے

واضح رہے کہ اگر گورنر شپ کا قرعہ نسرین جلیل کے نام نکلتا ہے تو یہ تقریباً نصف صدی کے بعد سندھ میں خاتون گورنر ہوں گی، اس سے قبل 1973 سے 1975 تک پاکستان کے پہلے وزیراعظم شہید ملت خان لیاقت علی خان کی اہلیہ بیگم رعنا لیاقت علی خان سندھ کی گورنر رہی تھیں۔

Comments

یہ بھی پڑھیں