کراچی : کے الیکٹرک کے مالک کے حوالے پاکستان اسٹاک ایکس چینج میں اہم انکشاف سامنے آیا، پاکستان سے تعلق رکھنے والے کاروباری شخصیت شہریار چشتی بڑا دعویٰ کیا۔
تفصیلات کے مطابق پاکستان سے تعلق رکھنے والے کاروباری شخصیت شہریار چشتی کی ملکیت سیج وینچر کمپنی نے دعوی کیا تھا کہ کے الیکٹرک کی ملکیت اس نے حاصل کرلی ہے۔
سیج وینچر کمپنی نے ایس ای سی پی کو خط تحریر کیا ہے کہ سیج وینچر کے پاس کراچی کو بجلی فراہم کرنے والی کمپنی کے براہ راست کنٹرولنگ حصص نہیں ہیں۔
کراچی کو بجلی فراہم کرنے والی کمپنی کی انتظامیہ نے سیج وینچر خط کو بنیاد بنا کر پی ایس ایکس کو خط جاری کیا ہے، خط میں واضح کیا ہے کہ سیج وینچر گروپ کے الیکٹرک میں براہ راست ملکیت نہیں ہے۔
پی ایس ایکس کو خط میں کہا گیا ہے کہ کراچی کو بجلی فراہم کرنے والی کمپنی کے براہ راست حصص مالکان میں کوئی بڑی تبدیلی نہیں ہوئی ہے، کمپنی کے 66.11 فیصد حصص کے ای ایس پی کے ہیں۔
خط میں مزید کہنا ہے کہ کے ای ایس پی میں کمپنی کی ملکیت میں کوئی براہ راست تبدیلی نہیں ہوئی ہے، کے ای ایس پی آج بھی کمپنی کے 66.4 فیصد حصص کی ملکیت رکھتی ہے۔
کراچی کو بجلی فراہم کرنے والی کمپنی نے ملکیت سے متعلق ویب سائٹ پربھی بیان جاری کیا گیا ، جس میں ترجمان نے کہا ہے کہ کمپنی کے بورڈآف ڈائریکٹرمیں کوئی تبدیلی نہیں ہورہی۔
