جنیوا : امریکی دوا ساز ادار ے نے ایک بیان میں ا س بات کا دعوٰی کیا ہے کہ عالمی ادارۂ صحت فائزر اور بائیو این ٹیک کی تیار کردہ کووِیڈ19 ویکسین کے ہنگامی استعمال کی جلد اجازت دے دے گا۔
اس ادارے کی معاون ڈائریکٹر جنرل ماری انجیلا سماؤ نے سوئٹزرلینڈ کے شہر جنیوا میں گزشتہ روز نامہ نگاروں سے گفتگو کرتے ہوئے بتایا کہ یہ فیصلہ رواں سال کے اختتام تک کیا جاسکتا ہے جس کے بعد جلد ہی ویکیسن کی فراہمی شروع ہو سکتی ہے۔
اس حوالے سے عالمی ادارہ صحت کے علاقائی سربراہ سائنسدان سوما سوامی ناتھن نے کہا ہے کہ ادارے کے کوویکس پروگرام کے تحت ویکسین کی ترسیل جلد از جلد اگلے ماہ سے شروع ہو سکتی ہے۔ یہ پروگرام کورونا وائرس ویکسینوں کی منصفانہ تقسیم کا عالمی ڈھانچہ ہے۔
انہوں نے کہا کہ ایسے ترقی پذیر ممالک جن کے پاس ویکسین کی جانچ پڑتال کے اپنے نظام نہیں ہیں وہ خود اپنے طریقۂ کار کے اندر عالمی ادارۂ صحت کے ہنگامی استعمال کی منظوری سے مستفید ہو سکیں گے۔
