پاکستان کے سابق اسپیڈ اسٹار شعیب اختر نے قومی ٹیم کی کارکردگی کو زبردست قرار دیتے ہوئے بولرز کی تعریف کی اور امید دلائی کہ بھارت میں ورلڈکپ اٹھائیں گے۔
اپنے ویڈیو پیغام میں شعیب اختر نے کہا کہ پورے ٹورنامنٹ میں قومی ٹیم نے بہترین پرفارمنس دی خصوصاً بولنگ شاندار رہی، فائنل میں بھی بولرز نے اچھی بولنگ کی۔
انہوں نے کہا کہ دل دکھی ہے لیکن پوری قوم اپنی ٹیم کے ساتھ کھڑی ہے، شکست ہوئی لیکن کوئی بات نہیں ہم نے پورے ٹورنامنٹ میں اچھا کھیلا۔
Dil dukha hai lekin, toota toh nahi hai. pic.twitter.com/E9fFbpECZe
— Shoaib Akhtar (@shoaib100mph) November 13, 2022
اسپیڈ اسٹار نے کھلاڑیوں کی حوصلہ افزائی کرتے ہوئے امید دلائی کہ اگلا ٹی ٹوئنٹی ورلڈکپ بھارت میں ہے اور ہم بھارت میں ٹرافی اٹھائیں گے۔
ویڈیو کے ساتھ شعیب اختر نے لکھا کہ دل دکھا ہے ٹوٹا نہیں ہے۔
ان کا کہنا تھا کہ آج قسمت نے ساتھ نہیں دیا اور پھر شاہین بھی انجرڈ ہو گئے جو ٹرننگ پوائنٹ تھا لیکن ہم اپنی ٹیم کے ساتھ کھڑے ہیں۔
