پی ٹی آئی کے مرکزی رہنما شعیب شاہین نے کہا ہے کہ پورے پاکستان کو انھوں نے بند کردیا، ایسا لگ رہا ہے پاکستان اور بھارت کی جنگ ہورہی ہے۔
اے آر وائی کے پروگرام اعتراض ہے میں گفتگو کرتے ہوئے شعیب شاہین نے کہا کہ نہتے لوگ ہیں اس کے مقابلےاسلحہ سے لیس اہلکار موجود ہیں، پولیس، ہیلی کاپٹر کے ذریعے مظاہرے ہورہے ہیں، ایسا لگ رہا ہے کسی پارٹی کا احتجاج نہیں اٹامک وار شروع ہوگئی ہے۔
شعیب شاہین کا کہنا تھا کہ ان سب کے باوجود ہمارے مختلف جگہوں پر مظاہرے ہوئے ہیں، لوگ نکل پڑے ہیں، سندھ سے پرسوں سے لوگ نکل پڑے ہیں۔
انھوں نے کہا کہ حلیم عادل شیخ پنجاب کی حدود میں داخل ہوچکے ہیں، پانچ منٹ پہلے گھر پہنچا ہوں، احتجاج میں موجود تھا، ہمارے دوست اسلام آباد پہنچیں گے تو ان کا ساتھ دیں گے۔
شعیب شاہین نے کہا کہ ہم نے اپنی حکمت عملی تبدیل کی ہے، جیسے ہی ہمارے دوست اسلام آباد پہنچیں گے ان کو ویلکم کریں گے۔
پاکستان تحریک انصاف کے مرکزی رہنما شعیب شاہین کا مزید کہنا تھا کہ رکاوٹیں لگی ہیں مگر متبادل راستوں سے پہنچنے کی کوشش کررہے ہیں۔
