ریاض: سعودی عرب میں کروناوائرس سے لڑنے والے طبی عملے کا مذاق اڑانا شہری کو مہنگا پڑگیا، پولیس نے کامیاب کارروائی کرتے ہوئے مقامی شخص کو گرفتار کرلیا۔
عرب میڈیا کی رپورٹ کے مطابق حالیہ دنوں سعودی شہری کی ایک ویڈیو وائرل ہوئی تھی جس میں اس نے طبی عملے کا مذاق اڑاتے ہوئے ان کی توہین بھی کی تھی۔
ردعمل میں مقامیوں اور غیرملکیوں نے شدید برہمی کا اظہار کرتے ہوئے اوباش شہری کی گرفتاری کا مطالبہ کیا تھا۔ بعد ازاں پولیس نے کامیاب کارروائی کرتے ہوئے شہری کو دھر لیا۔
کرونا وائرس: سعودی شہریوں کو پانی کی فراہمی بڑھا دی گئی
پولیس کا کہنا ہے کہ ملزم کو گرفتار کرکے قانونی کارروائی کا آغاز کردیا گیا ہے۔ مذکورہ شخص نے تضحیک آمیز ویڈیو میں حفاظتی ماسک اتار کر پھینک دیا تھا اور کہا تھا کہ کرونا وائرس سے بچاﺅ کے لیے جو حفاظتی تدابیر کی جارہی ہیں وہ بکواس ہیں ان کا کوئی فائدہ نہیں ہے۔
البتہ مذکورہ شخص نے اپنی دوسری ویڈیو میں اس حرکت پر معافی بھی مانگی تھی۔
