The news is by your side.

Advertisement

مریخ پر موجود ”انسان“، ناسا کی تصویر نے ہلچل مچا دی

امریکی خلائی ادارے ناسا کے پرسیورینس روور کی جانب سے لی گئی تصویر نے لوگوں کو یہ سوچنے پر مجبور کر دیا ہے کہ کیا مریخ پر انسان رہ سکتا ہے۔

زیرِ گردش تصویر میں ایک چٹان پر موجود پُراسرار چیز کو دیکھا جا سکتا ہے جسے یو اید او ماہرین اور نظریہ کار غیر معمولی چیز کے طور پر دیکھتے ہیں۔

اسکوٹ سی وارنگ نامی شخص کا کہنا ہے کہ اسے انٹرنیٹ پر براؤزنگ کے دوران یہ تصویر ملی جو مریخ پر ناسا کی جانب سے 2021 میں لی گئی ہے۔

تصویر میں بہت سی چٹانوں کو دیکھا جا سکتا ہے تاہم ان میں سے ایک چٹان پر کسی چیز کی موجودگی نے اسکوٹ کی توجہ حاصل کرلی۔ اسکوٹ کی جانب سے نشاندہی کرنے کے بعد سوشل میڈیا پر نئی بحث چھڑ گئی ہے۔

اسکوٹ نے تصویر میں ایک شخص کی نشاندہی کی ہے جو چٹان پر لیٹا ہے۔ اس نے سیاہ رنگ کے کپڑے پہنے ہوئے ہیں۔ اس کے بال سرخ ہیں جبکہ اس کے اردگرد انسانی قدموں کے نشان بھی موجود ہیں۔

کیا اس تصویر میں موجود چیز کوئی انسان ہے اور کیا مریخ پر انسان رہ سکتا ہے؟ اس پر ناسا کی جانب سے وضاحت آنا باقی ہے۔

Comments

یہ بھی پڑھیں