تازہ ترین

’لاہور پاکستان کا دل ہے، میں یہ نہیں مانتا‘

کراچی: وفاقی وزیر برائے منصوبہ بندی اسد عمر نے کہا ہے کہ میں یہ نہیں مانتا کہ لاہور پاکستان کا دل ہے۔

یہ بات انھوں نے کراچی میں منعقدہ ایک تقریب میں خطاب کرتے ہوئے کہی، اسد عمر کا کہنا تھا کراچی میرے دل کے قریب ہے، نہیں مانتا کہ لاہور پاکستان کا دل ہے، کراچی پاکستان کا دل بھی ہے اور دماغ بھی۔

وفاقی وزیر نے کہا کہ پاکستان سے ماضی میں صرف بم دھماکوں کی خبریں جاتی تھی، اب اچھی خبریں دنیا میں جاتی ہیں، اسٹاک مارکیٹ کے لیے رواں اور اگلا سال بہت اچھا ہوگا، سندھ میں بلدیاتی اختیارات پر سپریم کورٹ جا رہے ہیں، عمران خان مجھ سے کہتے ہیں کہ کراچی کے لیے بہت کچھ کرنا ہے.

اسد عمر نے اپنے ایک ٹویٹ میں گزشتہ روز کہا کہ وزیر اعظم کی سربراہی میں کور کمیٹی کے اجلاس میں فیصلہ کیا گیا ہے کہ تحریک انصاف سپریم کورٹ میں سندھ کے مقامی حکومت کے نظام کے خلاف اپیل دائر کرے گی کیوں کہ یہ قانون آئین کے مطابق عوام کو مقامی سطح پر سیاسی، انتظامی اور مالی طور پر با اختیار نہیں کرتا۔

جہاز سے کراچی کی تصویر کھینچنے پر رضا ہارون نے اسد عمر کی کھنچائی کیوں کی؟

واضح رہے کہ حکومت اور اس کے اتحادیوں میں ناراضی بڑھنے لگی ہے، پنجاب میں ق لیگ اور کراچی میں ایم کیو ایم پاکستان کا تواتر کے ساتھ کہنا ہے کہ ان کے ساتھ کیے گئے وعدے پورے نہیں کیے جا رہے ہیں۔ ایم کیو ایم رہنما خالد مقبول صدیقی اپنی وزارت سے مستعفی ہو چکے ہیں۔ پی ٹی آئی کے کئی وفود نے ایم کیو ایم کے ساتھ ملاقاتیں کی ہیں لیکن تاحال کوئی مثبت نتیجہ برآمد نہیں ہو سکا ہے۔

گزشتہ ہفتے پاک سرزمین پارٹی کے رہنما رضا ہارون نے اسد عمر کی ہوائی جہاز سے کھینچی گئی تصویر پر تنقید کرتے ہوئے کہا تھا کہ کراچی کو کب تک اوپر سے یا اسلام آباد سے بیٹھ کر دیکھیں گے؟

Comments

- Advertisement -