نئی دہلی : بھارتی پولیس میں ایک کروڑ روپے کی لاٹری جیتنے کے بعد لوگوں کے ڈر سے نامعلوم مقام پر چھپنے والے شہری کو ڈھونڈ نکالا۔
غیر ملکی میڈیا کے مطابق بھارت کی ریاست مغربی بنگال میں ایک غریب شہری نے 1 کروڑ بھارتی روپے کی لاٹری جیتی اور لوگوں کے ڈر سے نامعلوم مقام پر چھپ گیا۔
کئی روز الطاف الدین نامی شخص اپنے گھر نہیں پہنچا تو بیوی نے پولیس میں شکایت درج کرائی۔
خاتون کی شکایت پر پولیس نے الطاف الدین کی تلاش شروع کی اور کیلا بگان سے پکڑ کر تھانے لے گئی، جہاں الطاف سے تفتیش کی گئی۔
تحقیقات کے دوران الطاف الدین نے پولیس کو مطلع کیا کہ اس نے ایک کروڑ روپے کی لاٹری جیتی ہے، اور اتنی بڑی رقم اس کے خاندان میں کسی نے نہیں دیکھی۔
اتنی بڑی انعامی رقم جیتی تو میں ڈر گیا کہ کہیں لوگ پیسوں کی خاطر مجھے قتل نہ کردیں اور بچنے کےلیے روپوش ہوگیا۔
پولیس نے پوری کہانی سننے کے بعد الطاف الدین کو سمجھا کر گھر بھیجا اور بیوی بچوں کے ساتھ خوشی خوشی زندگی گزارنے کا مشورہ دیا۔
