بھارت میں شہری نے نئی کار خریدی لیکن وہ خراب نکلی جس پر اس نے گاڑی میں گدھے جوت کر جلوس کی صورت کار شو روم پہنچ گیا۔
غیر ملکی میڈیا کے مطابق بھارتی ریاست راجھستان کے شہر اُدے پور میں راج کمار نامی شخص نے گزشتہ دنوں ساڑھے 17 لاکھ مالیت کی نئی کار خریدی تھی جس کے خریدنے کے بعد اس میں ایسی فنی خرابی پیدا ہوئی جو دور نہ ہوئی جس کے بعد اس نے انوکھا احتجاج کیا جو سوشل میڈیا پر وائرل ہوگیا۔
سوشل میڈیا پر وائرل ویڈیو میں دیکھا جا سکتا ہے کہ ایک شخص اپنی نئی کار کے آگے دو گدھے جوت کر اسے گھسیٹا ہوا سڑک پر لے جا رہا ہے جب کہ ساتھ ہی ڈھول بجانے والے بھی چل رہے ہیں۔ دیکھنے والے حیران اور کئی لوگ اس حیرت انگیز منظر کی اپنے موبائل فون میں ویڈیو بناتے بھی نظر آتے ہیں۔
یہ ویڈیو بنانے والوں میں سے ہی کسی نے یہ دلچسپ کلپ ٹوئٹر پر شیئر کیا جو دیکھتے ہی دیکھتے وائرل بھی ہوگیا۔
بھارتی میڈیا رپورٹ کے مطابق راج کمار اپنی گاڑی میں خرابی پیدا ہونے کے بعد اس کو کئی بار سروس سینٹر اور ڈیلر شاپ لے کر گیا لیکن وہاں سے اسے وقتی ریلیف تو ملا لیکن کار درست نہ ہوئی اور نہ ہی اس میں پیدا ہونے والی فنی خرابیوں کا سراغ لگایا جا سکا۔
سروس سینٹر والوں نے کار مالک سے کہا کہ بیٹری کا مسئلہ ہے، گاڑی چلائیں بیٹری ری چارج ہو جائے گی اس کے بعد بھی مسئلہ حل نہ ہوا وہ احتجاجاً کار کو گدھا گاڑی بنا کر اس شوروم لے گیا جہاں سے اس نے یہ کار خریدی تھی لیکن مذکورہ شوروم نے بھی اس کی مدد کرنے سے معذوری ظاہر کر دی۔
Never mess with #indians#Udaipur: 18 lakh car broke down, the owner dragged it with donkeys and sent it back to the showroom,
Angry car owner called the showroom but they didn't help. So, he used donkeys to pull his car. Watch why he did that.#hyundai #donkeypullcar #creta pic.twitter.com/OZMsMoFXyd
— Siraj Noorani (@sirajnoorani) April 26, 2023
ڈیلر شپ کے نمائندے نے کہا کہ شہری نے اس میں تبدیلیاں کی تھیں جس کی وجہ سے الیکٹریکل خامیاں ہو رہی ہیں۔
سوشل میڈیا پر وائرل اس ویڈیو کو دیکھنے والے صارفین کی اکثریت کار مالک سے ہمدردی کا اظہار کر رہی ہے۔
