The news is by your side.

Advertisement

ٹیوشن کیوں پڑھائی؟ بچے کی شکایت پر پولیس نے استانی کو ڈانٹ پلادی، ویڈیو وائرل

استانی نے تردید کی تو بچے نے بتایا کہ میرے ساتھ مزید تین بچے بھی ٹیوشن پڑھتے ہیں

نئی دہلی : لاک ڈاؤن کے دوران ٹیوشن بھیجنے پر بچہ پولیس والوں کو اپنے ٹیوشن سینٹر لے گیا، پولیس اہلکاروں نے بچے کے والدین اور استانی کی سرزنش کی۔

تفصیلات کے مطابق بھارت میں لاک ڈاؤن کے دوران مرضی کیخلاف ٹیوشن بھیجنے پر ایک بچے نے ڈیوٹی پر موجود پولیس اہلکاروں کو والدین اور استانی کی شکایت کردی جس پر وہ ہکا بکا رہ گئے۔

بھارتی میڈیا کے مطابق بچے بھی کورونا وائرس کی صورتحال سے فائدہ اُٹھاتے ہوئے پڑھائی سے جان چھڑانے لگے ہیں۔ ایک بچے کو اس کے گھر والوں نے ٹیوشن بھیجا تاہم بچہ ٹیوشن جانے کے بجائے پولیس کے پاس پہنچ گیا اور پولیس کو اپنے ساتھ ٹیوشن سینٹر لے گیا۔

واقعے کی سوشل میڈیا پر  ویڈیو وائرل ہورہی ہے جس میں دیکھا جاسکتا ہے کہ بچہ اپنی استانی کے گھر کے باہر پہنچا اور دروازہ کھٹکٹایا پھر استانی کو آواز دینے لگا۔ ویڈیومیں پولیس ۤآفیسر نے بچے کی استانی کو کہا کہ آپ یہاں پر لاک ڈاؤن کے باوجود ٹیوش پڑھا رہی ہیں آپ کو کورونا سے ڈر نہیں لگتا؟۔

پہلے تو استانی نے اس بات کی تردید کی کہ کورونا کی صورتحال کے بعد بچوں کو نہیں پڑھایا، تاہم بچے نے بھی ٹیوشن سے جان چھڑانا چاہی اور بتایا کہ صرف میں ہی نہیں تین بچے اور بھی آتے ہیں۔

پولیس افسر نے استانی سے کہا کہ ہم کسی کو ایک دوسرے کے گھر بھی نہیں جانے دیتے اور آپ بچوں کو ٹیوشن پڑھا رہی ہیں، بھارتی پولیس آفیسر کی جانب سے خبردار کیا گیا کہ آئندہ کورونا کی موجودہ صورتحال کے باعث بچوں کو گھروں میں ٹیوشن نہ پڑھائیں۔

Comments

یہ بھی پڑھیں