خاندان کی پسند سے شادی میں دلہا اور دلہن کو دیکھنے کی روایت ہے تاہم برادر اسلامی ملک میں اگر لڑکی کو دولہا پسند آجائے تو اس کا اظہار منفرد انداز میں کرتی ہے۔
بَر دکھاوا وہ رسم ہے جو شادی سے قبل بہت سارے معاشروں میں ہوتی ہے جس میں لڑکی والے لڑکے کو دیکھنے کے لیے اس کے گھر جاتے ہیں یا پھر اس کو لڑکی والے فیملی سمیت اپنے گھر بلاتے ہیں لڑکی اور اس کا خاندان لڑکے کو دیکھتا ہے اور پسند آنے پر بات آگے بڑھائی جاتی ہے۔
یہ روایت برادر اسلامی ملک ترکیہ میں بھی ہے جہاں خاندان کی پسند سے شادی میں بَر دکھاوے کی روایت ہے لڑکا اپنے خاندان کے ساتھ لڑکی والوں کے گھر جاتا ہے جہاں لڑکی اور اس کے اہل خانہ لڑکے کو دیکھتے ہیں تاہم پسند آنے پر روایتی انداز نہٰں بلکہ کچھ انوکھا کیا جاتا ہے۔
ترکیہ میں یہ روایت ہر جگہ تو نہیں لیکن اکثر اس کو اپناتے ہیں کہ لڑکی جب لڑکے کو دیکھنے کے لیے اس کے پاس چائے لے کر آتی ہے اور اگر اسے لڑکا اپنے جیون ساتھی کے طور پر پسند آ جائے تو اسی وقت تھوڑی کی چائے ٹرے میں گرا دیتی ہے جس کا مطلب لڑکی کا رشتے کے لیے ہاں کرنا ہوتا ہے۔
اسی حوالے سے ایک ویڈیو سوشل میڈیا پر خوب مقبول ہے جس میں دیکھا جا سکتا ہے کہ ایک لڑکی آتی ہے اور لڑکے کے سامنے چائے کی ٹرے رکھ کر اسے دیکھتی ہے اور پھر تھوڑی سے چائے چھلکاتے ہوئے شرماتی اور مسکراتی ہوئی وہاں سے چلی جاتی ہے جس کے بعد اسی جوڑے کو ہنستے مسکراتے دکھایا گیا ہے اور لکھا ہے کہ یہ جوڑا شادی کے بعد خوشگوار زندگی گزار رہا ہے۔
