دبئی: حاکم دبئی نے شیخ محمد بن راشد ال مکتوم نے متحدہ عرب امارات کے ایک کسٹم افسر کو اومان کے ساتھ سرحد پر واقع حتا چیک پوائنٹ پر پھنس جانے والے شامی خاندان کی بروقت مدد کرنے پر اگلے گریڈ میں ترقی دے دی۔
شیخ محمد بن راشد ال مکتوم نے اپنے ٹویٹر اکاؤنٹ پر ایک ویڈیو شیئر کی اس میں ایک ریڈیو نیوز کاسٹر فاتح نامی شامی شخص سے گفتگو کررہا تھا کہ کیسے اماراتی افسر نے اومان سرحد کے نزدیک ان کی کار خراب ہونے کے بعد انہیں اپنی کار کی پیش کش کی تھی۔
سالم البدواوي .. موظف حكومي .. ومواطن إماراتي .. ورجل يحمل معاني الشهامة الإماراتية pic.twitter.com/HpL8B2fgcm
— HH Sheikh Mohammed (@HHShkMohd) June 26, 2018
دبئی میڈیا آفس کے مطابق سالم عبداللہ بن نہیان کو یکم شوال عید کے پہلے دن سے افسر رینک سے فرسٹ افسر کے عہدے پر ترقی دے دی گئی ہے۔
فتح نے جواب میں ریڈیو نیوز کاسٹر کو بتایا کہ جمعہ کو عید کے پہلے دن صبح سات بجے کے قریب ہم مسقط جارہے تھے لیکن اچانک ہماری کار خراب ہوگئی۔
ان کا کہنا تھا کہ کسٹم افسر نے ہمیں کار کھڑی کرنے کے لیے کہا اور پھر اس کار کو کسی ٹیکسی یا ٹرک کے ساتھ باندھ کر لے جانے کے لیے گاڑیوں کو رکنے کا اشارہ کیا تاکہ ہم اپنے گھر پہنچ سکیں لیکن کسی نے بھی مثبت جواب نہیں دیا کیونکہ یہ عید کا پہلا روز اور ابتدائی وقت تھا۔
اللواء محمد المري مدير عام الإدارة العامة للإقامة وشؤون الأجانب بدبي:هذه المكرمة تعكس حرص صاحب السمو على تقدير جهود العاملين المتميزين في تأدية واجبهم مؤكداً حرص كافة منتسبي الإدارة العمل بكل الجد والاجتهاد ليكونوا دائما عند حسن ظن سموه لتحقيق مزيد من التميز والرقي في خدمة دولتنا pic.twitter.com/cUgacsx9JS
— Dubai Media Office (@DXBMediaOffice) June 26, 2018
انہوں نے کہا کہ پھر کسٹم افسر نے ہمیں اپنی ذاتی کار کی چابیاں دیں اور کہا کہ وہ اس کار پر مسقط جاسکتے ہیں، امارتی افسر پہلے حتا میں اپنے گھر تک گئے، وہاں اپنا سامان اتارا اور انہیں کہا کہ وہ اب وہاں سے اپنی جائے منزل تک جانے کے لیے اپنا سفر جاری رکھ سکتے ہیں۔
شامی شہری کا کہنا تھا کہ واپسی پر کسٹم افسر نے ہمیں دبئی میں واقع ہمارے گھر پہنچایا اور پھر خراب کار کو ایک ٹرک سے باندھ کر ایک مکینک کے پاس پہنچادیا تاکہ وہ اس کو ٹھیک کرسکے۔
