The news is by your side.

Advertisement

الیکشن کمیشن کو پی ٹی آئی کے اکاؤنٹس کی فکر کیوں لاحق ہوگئی: نعیم الحق

اسلام آباد: وزیر اعظم کے معاون خصوصی نعیم الحق نے الیکشن کمیشن کے فیصلے پر رد عمل ظاہر کرتے ہوئے کہا ہے کہ اسے آخر کیوں پاکستان تحریک انصاف کے اکاؤنٹس کی فکر لاحق ہو گئی ہے۔

تفصیلات کے مطابق الیکشن کمیشن 26 نومبر سے ہر روز پی ٹی آئی کے فارن فنڈنگ کیس کی سماعت کرے گا، اس فیصلے پر وزیر اعظم کے معاون خصوصی نے ٹویٹ کرتے ہوئے کہا الیکشن کمیشن کو اتنے سال بعد پی ٹی آئی پر الزامات کا خیال کیوں آیا۔

انھوں نے سوال کیا کہ نکالے گئے شخص کے الزامات پر پی ٹی آئی کے خلاف کیوں کارروائی ہو رہی ہے؟

خیال رہے کہ الیکشن کمیشن 26 نومبر سے ہر روز پی ٹی آئی کے فارن فنڈنگ کیس کی سماعت کرے گا، اس سلسلے میں اپوزیشن کی درخواست منظور کر لی گئی ہے، ای سی نے اسکروٹنی کمیٹی کو کام تیز کرنے کی ہدایت بھی کی۔

تازہ ترین:  نعیم الحق بیمار پڑ گئے، شاہ محمود کی عیادت

اپوزیشن رہنماؤں نے گزشتہ روز الیکشن کمیشن کے آفس کے باہر احتجاج کیا تھا، رہبر کمیٹی کا مطالبہ تھا کہ پی ٹی آئی کے خلاف غیر ملکی فنڈنگ کیس کی سماعت روزانہ کی بنیاد پر کی جائے، اس سلسلے میں الیکشن کمیشن میں درخواست بھی دی گئی۔

یاد رہے کہ نعیم الحق آج علیل تھے، وزیر خارجہ شاہ محمود قریشی نے اسپتال میں ان کی عیادت بھی کی، اس موقع پر شاہ محمود نے کہا کہ نعیم الحق پارٹی کا قیمتی اثاثہ ہیں۔

fb-share-icon0
Tweet 20

Comments

comments

یہ بھی پڑھیں