The news is by your side.

Advertisement

اداکارہ اشنا شاہ کیوں پریشان ہیں؟

کراچی: پاکستان شوبز انڈسٹری کی معروف اداکارہ اشنا شاہ بھی عام عوام کی طرح ملک میں بنیادی سہولیات کی عدم موجودگی کا شکوہ کرتی نظر آرہی ہیں۔

تفصیلات کے مطابق اشنا شاہ نے سماجی رابطے کی سائٹ ٹوئٹر پر لکھا کہ ’گرمیوں میں بجلی نہیں، سردیوں میں گیس نہیں اور اگر آپ کراچی میں رہتے ہیں تو اسٹمک فلو کے دوران پانی نہیں‘۔

اداکارہ کی اس ٹوئٹ پر کچھ صارفین ان مسائل پر آواز اٹھانے پر ان کی تعریف کی۔ ایک صارف نے مزاحیہ انداز میں لکھا ‘سب سے پہلے آپ نے گھبرانا نہیں ہے’۔

ایک اور صارف کا کہنا تھا کہ ’ سکون صرف قبر میں ہے‘۔

خیال رہے کہ شہرقائد سمیت ملک کے مختلف شہروں میں لوڈ شیڈنگ کا مسئلہ رہا ہے، کراچی کے عوام تو پانی کو بھی ترستے ہیں جبکہ مستقبل میں گیس بحران کا بھی خدشہ ظاہر کیا گیا ہے۔

حکومت نے فیصلہ کیا ہے کہ گھریلو صارفین کو مخصوص اوقات میں گیس فراہم کی جائے گی۔

Comments

یہ بھی پڑھیں