پاکستانی فلم اور ڈرامہ انڈسٹری کی معروف اداکارہ حریم فاروق نے ٹی وی اسکرین سے دوری کی وجہ بتادی۔
اداکارہ حریم فاروق سے ایک حالیہ انٹرویو میں ٹی وی اسکرین سے دوری کی وجہ پوچھی گئی جس پر اداکارہ نے کہا کہ وہ کامیابی کے لیے اسی فارمولے کو نہیں اپنانا چاہتی تھیں جس پر انڈسٹری کے سبھی لوگ عمل کررہے ہیں۔
حریم فاروق نے کہا کہ اپنا راستہ خود بنانا چاہتی ہوں، مختلف کردار ادا کروں گی اور ایسے کردار کروں گی جو کہ اداکارانہ صلاحیتوں کو چیلنج کریں۔
اداکارہ نے بتایا کہ وہ جلد ہی وہاج علی کے ساتھ نئے ڈرامہ سیریل میں نظر آئیں گی۔
حریم فاروق نے بتایا کہ وہ اپنے اس نئے ڈرامے میں ایک خاتون کرکٹر کا کردار ادا کرتی نظر آئیں گی۔
واضح رہے کہ حریم فاروق اب تک ڈرامہ سیریل ’دیار دل‘، ’صنم‘ اور ’میں خیال ہوں کسی اور کا‘ جیسے ڈراموں میں اداکاری کے جوہر دکھائے ہیں۔
حریم فاروق اداکارہ ہی نہیں بلکہ پروڈیوسر بھی ہیں، اس لیے فلموں میں اداکاری کے ساتھ ساتھ وہ فلم’’پرچی‘ اور ’ہیر مان جا‘جیسی فلمیں پروڈیوس بھی کرچکی ہیں۔
