The news is by your side.

Advertisement

امریکی پولیس اس خاتون کو کیوں تلاش کررہی ہے؟

ٹورنس:ایشیائی لوگوں سے نفرت کرنے والی بزرگ خاتون کی شناخت ہوگئی، پولیس کو ملزمہ کی گرفتاری میں تاحال ناکامی کا سامنا ہے۔

غیر ملکی خبر رساں ادارے کی رپورٹ کے مطابق امریکی شہر ٹورنس کے پارک میں 56 سالہ لینا نامی خاتون نے ورزش کرنے والی ایشیائی خاتون کو مخاطب کر کے اپنے پاس بلایا اور پھر ان کے لیے کھل کر اپنی نفرت کا اظہار کیا۔

بزرگ خاتون نے ایشیا سے تعلق رکھنے والی نوجوان خاتون کو چینخ کر کہا کہ ‘تم جس بھی ایشیائی ملک سے تعلق رکھتی ہو فوراََ واپس جاؤ اور ہمارے ملک کو چھوڑ دو۔’

متاثرہ خاتون نے پولیس کو مطلع کیا کہ ان کے ساتھ پارک میں ہراسانی کا واقعہ پیش آیا، پولیس نے واقعے کا مقدمہ درج کر کے تفتیش کا آغاز کیا اور سی سی ٹی وی فوٹیج کی مدد سے خاتون کی شناخت کر لی۔

پولیس حکام کے مطابق ایشیائی خاتون کو ہراساں کرنے والی 56 سالہ خاتون کی شناخت لینا ہرنینڈس کے نام سے ہوئی ہے، مذکورہ خاتون اس سے قبل بھی ایشائی شخص سے اپنی نفرت کا اظہار کرچکی ہے۔

ٹورنس پولیس چیف ایو ارون کے مطابق ملزمہ کی تلاش جاری ہے، پولیس نے واقعے کی رپورٹ درج کروانے والی خاتون کی شناخت ظاہر نہیں کی۔

Comments

یہ بھی پڑھیں