دنیا کی بڑی ٹیکنالوجی کمپنی ایمازون، میٹا، اور ٹوئٹر بڑے پیمانے پر اپنے ملازمین کو کمپنی سے نکال رہی ہے۔
تفصیلات کے مطابق چند ماہ پہلے تک جو کمپنیاں دنیا بھر کے ٹیکنالوجی پروفیشنلز کو اچھی تنخواہوں، بھاری مراعات اور وقتاً فوقتاً خوبصورت کمیشن اور بونس کا لالچ دیتی تھیں، اب وہی کمپنیاں بڑی تعداد میں اپنے ملازمین کو باہر کا راستہ دکھا رہی ہیں۔
غیر ملکی میڈیا رپورٹ کے مطابق یہ بات سامنے آئی ہے کہ ٹیکنالوجی کمپنیاں اپنے اکاؤنٹس کو مستحکم رکھنے کیلئے موجودہ صورتحال اور آنے والے وقت کے لیے خود کو تیار کر رہی ہیں، جس کے باعث وہ ملازمین کو نکال رہی ہے۔
یاد رہے کہ امریکہ کی ٹیکنالوجی اور ای کامرس کی معروف کمپنی ایمازون بھی اس ہفتے سے کارپوریٹ اور ٹیکنالوجی ڈیپارٹمنٹس میں سے 10 ہزار ملازمین کو فارغ کرنے کا منصوبہ بنا رہی ہے۔
اس سے قبل گزشتہ ہفتے مارک زکر برگ کی کمپنی میٹا نے بھی ہزاروں ملازمین کو نوکری سے فارغ کردیا تھا۔
رپورٹ کے مطابق پچھلی دہائیوں کے دوران لاکھوں لوگوں کو ملازمتیں دے کر کھربوں ڈالر کمانے والی ان بڑی ٹیک کمپنیوں میں برطرفی کرنا اس بات کا اشارہ دے رہی ہے کہ اچھے دن جانے والے ہیں۔
دوسری جانب یہ بھی کہا جارہا ہے کہ آئی ایم ایف نے کساد بازاری کے حوالے سے دنیا کو خبردار کیا ہے، جس کی وجہ سے عالمی معیشت رک سکتی ہے اس لیے یہ کمپنیز آنے والے دنوں کی بُو سنگھ کر خود کو تیار کررہی ہے۔
