گوجرانوالہ : شراب کے نشے میں دھت بیوی نے شوہر کی دھلائی کردی ، پولیس نے دونوں کو گرفتار کرکے میڈیکل کے لیے ہسپتال منتقل کردیا ہے۔
تفصیلات کے مطابق عموماً شادی کی سالگرہ کے دن میاں بیوی آپس میں تحفے تحائف کا تبادلہ کرتے ہیں لیکن گوجرانوالہ کی شہباز کالونی میں شراب کے نشے میں دھت عائشہ نے شوہر ندیم کی جم کر دھلائی کر ڈالی ۔
مظلوم شوہر نے جان بچانے کے خاطر پولیس کو فون کر دیا، جس کے بعد تھانہ سبزی منڈی پولیس موقع پر پہنچ گئی اور جوڑے کو گرفتار کرکے میڈیکل کے لیے سول ہسپتال منتقل کر دیا۔
پولیس کا کہنا ہے کہ ندیم اور عائشہ نے اپنی شادی کی چوتھی سالگرہ منانے کے لیے شراب پی، زیادہ نشے ہونے پر عائشہ نے اپنے شوہر کو پیٹ ڈالا، شوہو نے 15پر مدد طلب کی۔
پولیس نے جوڑے کو گرفتار کرلیا ہے اور یوں شادی کی سالگرہ کے دن دونوں جیل کی سلاخوں کے پیچھے پہنچ گئے۔
