فیصل آباد: شوہر کے ہاتھوں مبینہ جلائی گئی خاتون اسپتال میں دم توڑ گئی، مقدمہ درج
The news is by your side.

Advertisement

فیصل آباد: شوہر کے ہاتھوں مبینہ جلائی گئی خاتون اسپتال میں دم توڑ گئی

فیصل آباد: پنجاب میں پیش آیا افسوس ناک واقعہ جہاں شوہر کے ہاتھوں مبینہ جلائی گئی خاتون اسپتال میں دم توڑ گئی۔

تفصیلات کے مطابق یہ واقعہ پنجاب کے شہر فیصل آباد میں آیا، شوہر کے ہاتھوں جلائی گئی خاتون نے الائیڈ اسپتال میں دم توڑا۔

فیصل آباد کے علاقے شاداب کالونی میں 3 روز قبل خاتون کو شوہر نے آگ لگائی تھی، جبکہ تھانے جھنگ بازار میں مقدمہ درج کرلیا گی ہے۔

مقدمے میں شوہر، ساس، سسر اور دیور نامزد ہیں۔

فیروزوالا میں سسرالیوں کےہاتھوں جلائی جانے والی خاتون دم توڑ گئی

پولیس حکام کا کہنا ہے کہ مقتولہ کے شوہر عمران کو حراست میں لے لیا گیا ہے، پٹرول چھڑک کر جلائی گئی خاتون کی حالت دوران علاج ہی انتہائی نازک تھی۔

دوسری جانب لواحقین نے الائیڈ اسپتال میں احتجاج کیا، مظاہرین کا مقدمے میں نامزد ملزمان کی گرفتاری تک لاش لینے سے انکار کردیا۔

خیال رہے کہ رواں سال مارچ میں صوبہ پنجاب کے شہرشیخوپورہ میں سسرالیوں کے ہاتھوں جلائی جانے والی خاتون میواسپتال میں جان کی بازی ہار گئی تھی۔

یاد رہے کہ رواں سال 19 فروری کو صوبہ پنجاب کے شہر قصور میں سسرالیوں نے مبینہ طوربہو پر پٹرول چھڑک کر آگ لگادی تھی جس کے نتیجے میں خاتون کے جسم کا 80 فیصد حصہ جھلس گیا تھا۔

Comments

comments

یہ بھی پڑھیں