علی پور: بیوی نے شوہر پر پٹرول چھڑک کرآگ لگا دی، پولیس کا کہنا ہے کہ میاں بیوی میں مقدمہ بازی اور گھریلو جھگڑا چل رہا تھا۔
تفصیلات کے مطابق پنجاب کے ضلع مظفر گڑھ کی تحصیل علی پور کے علاقے سیت پورمیں مبینہ طور پر ایک شخص پر پٹرول چھڑک کرآگ لگادی گئی۔
پولیس نے بتایا کہ متاثرہ شخص کو اسپتال منتقل کردیا گیا، بلال کو مبینہ طورپراس کی بیوی نسرین نے آگ لگائی، آگ لگنے کے باعث بلال کے جسم کا 60 فیصد حصہ متاثر ہوا۔
- Advertisement -
حکام کا کہنا تھا کہ ابتدائی تحقیقات کےمطابق میاں بیوی میں مقدمہ بازی اور گھریلو جھگڑا چل رہاتھا۔
پولیس نے واقعے کا مقدمہ تھانہ سیت پور میں درج کرکے بیوی سمیت 2خواتین کو گرفتار کرلیا ہے۔
