لاہور میں شوہر اور سسرالیوں نے گھریلو جھگڑے کے دوران خاتون کو مبینہ طور پر تشدد کا نشانہ بنا کر جان سے مار دیا۔
تفصیلات کے مطابق لاہور کے علاقے نشتر کالونی میں قتل کا واقعہ پیش آیا ہے، پولیس کا کہنا ہے کہ تشدد سے شدید زخمی ہونے والی خاتون کو حالت غیر ہونے پر اسپتال لایاگیا جہاں وہ ایک روز بعد دوران علاج دم توڑ گئی۔
خاتون کی ہلاکت پر پولیس نے اس کے بھائی نثار کی مدعیت میں قتل کا مقدمہ درج کرلیا، جبکہ واقعے کے بعد مقتولہ کا شوہر اور سسرال والے گھر سے غائب ہیں۔
مقدمے کے متن میں کہا گیا ہے کہ ملزم ارشد، اشرف اور نیلم نے مقتولہ پرتشدد کے بعد زہریلی دوا پلائی، پولیس نے مذکورہ ملزمان کی تلاش شروع کردی۔
پولیس کا کہنا ہے کہ مقتولہ کے شوہر کی گرفتاری کے لئے چھاپے مارے جارہے ہیں، لاش کو قانونی کارروائی کے بعد ورثاء کے حوالے کردیا جائے گا۔
