بھارت میں دیوقامت جنگلی ہاتھی شہری آبادی میں گھس آیا جس کے باعث لوگوں کی دوڑیں لگ گئیں، خوش قسمتی سے جانور نے کسی پر حملہ نہیں کیا۔
بھاری بھرکم ہاتھی نے شہری آبادی پر حملہ کیا اور نہ ہی کسی انسان کو نقصان پہنچایا تاہم جانور کی اس طرح چہل قدمی دیکھ کر اطراف میں موجود لوگوں نے خود کو محفوظ رکھنے کی کوشش کی۔
یہ حیرت انگیز واقعہ بھارتی ریاست کرناتکا میں پیش آیا۔ ایک رپورٹ میں بتایا گیا ہے کہ ہاتھی جنگل سے نکل کر نہ صرف شہری آبادی کی طرف آیا بلکہ اس نے ایک کیفے ہوٹل کا بھی دورہ کیا۔
سوشل میڈیا پر وائرل ویڈیو میں ہاتھی کیفے کے اطراف گھومتے پھرتے دیکھا جاسکتا ہے۔
بعد ازاں محکمہ جنگلی کے عملے نے ہاتھی کو دوبارہ جنگل پہنچا دیا۔ خیال رہے کہ اس طرح کے واقعات ماضی میں بھی پیش آچکے ہیں، ماہرین کا ماننا ہے کہ جانور غذا کی تلاش میں انسانی آبادی کا رخ کرتے ہیں۔
#WATCH | Karnataka: An elephant entered Chikmagalur's ABC Coffee Curing area earlier today. It was sent back to the forest with the help of forest officials. pic.twitter.com/ASySteSgnR
— ANI (@ANI) July 12, 2021