خیرپور: محکمہ وائلڈ لائف اندورنِ سندھ کے علاقے فیض آباد گنج سے ریچھ کو بچا لیا البتہ ملزمان جائے وقوعہ سے فرار ہوگئے۔
تفصیلات کے مطابق محکمہ جنگی حیات کے حکام کو اطلاع موصول ہوئی کہ خیرپور کے علاقے فیض گنج میں ایک رویچھ کو کتوں سے لڑائی کے لیے تیار کیا جارہا ہے۔
وائلڈ لائف حکام نے فیض آباد میں چھاپہ مار کر جنگلی ریچھ برآمد کرلیا جبکہ ملزمان ٹیم کی اطلاع ملنے کے بعد جائے وقوعہ سے فرار ہوگئے۔ حکام نے ریچھ کو محفوظ مقام پر منتقل کردیا۔
وائلڈ لائف حکام کے مطابق ریچھ کو بہت جلد اسلام آباد میں جانوروں کے تحفظ کے لیے کام کرنے والے ادارے کو دے دیا جائے گا جبکہ پولیس نے ملزمان کی تلاش کا کام شروع کردیا۔
Today taken from illegal possession. Owner had planned bear baiting event. Now under care till shift to rehabilitation center.I assured him for peace & no fear of bear baiting in future. Enjoy water melon.Good work.Sindh Wildlife and Khairpur Police @amarguriro @SyedNasirHShah pic.twitter.com/FS5SL0jaE6
— Javed Mahar (@JavedMahar7) May 4, 2019
یاد رہے کہ اندرونِ سندھ کے مختلف علاقوں میں ریچھ اور کتوں کے درمیان لڑائی کے غیر قانونی مقابلوں کا انعقاد کیا جاتا ہے، پولیس مقابلوں کی روک تھام کے لیے اقدامات بھی کرتی ہے۔
