امریکا کی ریاست لاس اینجلس میں خوفناک آگ نے تباہی مچانے کے بعد اب جنوبی کیرولائنا کا رخ کرلیا ہے۔
غیر ملکی ذرائع ابلاغ کے مطابق ریسکیو اداروں کو شمالی اور جنوبی کیرولائنا میں خشک حالات اور تیز ہواؤں کے درمیان جنگل کی آگ پر قابو پانے میں مشکلات پیش آرہی ہیں، جبکہ رہائشی نقل مکانی پر مجبور ہوگئے ہیں۔
رپورٹس کے مطابق نیشنل ویدر سروس نے کم نمی کے باعث خطے میں آگ کے بڑھتے ہوئے خطرے سے خبردار کردیا ہے۔
غیر ملکی میڈیا کا کہنا ہے کہ جنوبی کیرولائنا میں خوفناک آگ نے 6.6 مربع میل (17 مربع کلومیٹر) کے پورے علاقہ کو جلا کر راکھ کر دیا ہے۔ گورنر ہنری میک ماسٹر نے گزشتہ روز آگ سے نمٹنے کی کوششوں میں مدد کے لیے ہنگامی حالت کا اعلان کر دیا اور ریاست بھر میں آگ جلانے پر پابندی عائد کردی ہے۔
ہوری کاؤنٹی فائر ریسکیو کے مطابق، عملے نے ساحلی تفریحی شہر مرٹل بیچ کے مغرب میں کیرولینا جنگل کے علاقے میں آگ پر قابو پانے میں پیش رفت کی ہے، جہاں کے رہائشیوں کو کہا گیا ہے کہ وہ علاقہ خالی کردیں۔
سامنے آنے والی ویڈیوز میں دیکھا جاسکتا ہے کہ کچھ لوگ سڑک پر بھاگ رہے ہیں، مگر گزشتہ روز فائر ڈپارٹمنٹ نے اعلان کیا کہ کیرولینا فارسٹ سے نکالے گئے افراد گھروں کو لوٹ سکتے ہیں۔
جنگ بندی کے پہلے مرحلے میں توسیع نہیں ہوگی، حماس نے واضح کردیا
واضح رہے کہ امریکا کی ریاست کیلی فورنیا میں لگنے والی آگ نے بڑے پیمانے پر تباہی مچائی تھی،جس کے سبب شوبز انڈسٹری سے جڑی اہم شخصیات کے گھر بھی راکھ کا ڈھیر بن گئے تھے، جبکہ بڑے پیمانے پر لوگوں کو نقل مکانی کرنا پڑی تھی۔
