پاکستا کرکٹ ٹیم کے سابق کپتان سرفراز احمد کوئٹہ گلیڈی ایٹرز کی مزید قیادت سنبھالیں گے یا نہیں، فیصلہ بدھ کو ہوگا۔

تفصیلات کے مطابق ذرائع کا اس حوالے سے بتانا ہے کہ سرفراز احمد جو کئی سالوں سے پی ایس ایل فرنچائز کوئٹہ گلیڈی ایٹرز کے کپتان ہیں مزید وہ اس منصب پر فائز رہیں گےیانہیں، اس بات کا فیصلہ بدھ کوہوجائے گا۔

ذرائع کا کہنا ہے کہ توقع ہے کہ اس بار پی ایس ایل فرنچائز کوئٹہ گلیڈی ایٹرز کیلئے نیا کپتان مقرر کیا جائےگا۔

کوئٹہ گلیڈی ایٹرز گزشتہ 4 سیزن میں پلے آف مرحلے تک نہیں پہنچ سکی تھی۔ پہلے سیزن سے اب تک سرفراز احمد ہی کوئٹہ گلیڈی ایٹرز کی کپتانی کررہے ہیں۔

واضح رہے کہ سرفراز احمد کی قیادت میں کوئٹہ گلیڈی ایٹر کی ٹیم 2019 میں ہونے والے ایڈیشن میں ایک بار پی ایس ایل ٹرافی اپنے نام کرچکی ہے۔