اسلام آباد : وفاقی وزیر مراد سعید نے بلاول بھٹو کو کرارا جواب دیتے ہوئے کہا ہے کہ ووٹ کی طاقت والا وزیر اعظم عالم اسلام کا ترجمان بنا۔
وفاقی وزیر مواصلات و رہنما پاکستان تحریک انصاف مراد سعید ایک مرتبہ پھر چیئرمین پاکستان پیپلز پارٹی بلاول بھٹو زرداری پر تنقید کے نشتر چلاتے ہوئے ہوئے کہا ہے کہ وصیت کی پرچی والوں نے پاکستان کو سفارتی تنہائی دی۔
انہوں نے بلاول بھٹو کے ٹوئٹ پر کرارا جواب دیتے ہوئے کہا کہ ووٹ کی طاقت والا وزیر اعظم عالم اسلام کا ترجمان بنا۔
سفارتی تنہائی سے عالم اسلام کی ترجمانی تک،ڈو مور کے مطالبے سے مدد کی اپیل تک،ٹیرارزم سے ٹورازم تک
جب قیادت وصیت نہیں ووٹ سے آئے تو دنیا بھی اس قوم کو عزت دیتی ہے
— Murad Saeed (@MuradSaeedPTI) July 11, 2020
مراد سعید کا کہنا تھا کہ وصیت کی پرچی والوں سے دنیا ڈومور کے مطالبے کرتی ہے لیکن ووٹ کی طاقت سے آنے والے سے دنیا مدد کی اپیل کرتی ہے۔
وفاقی وزیر کا کہنا تھا کہ پرچی والوں نے قوم کو’’ٹیررازم‘‘کے دلدل میں دھکیلا اور ووٹ کی طاقت سے آنے والا دنیا کو ’’ٹورازم‘‘ کی دعوت دے رہا ہے۔
انہوں نے اپنے ٹوئٹ میں مزید کہا کہ جب قیادت وصیت نہیں ووٹ سے آئے تو دنیا بھی اس قوم کو عزت دیتی ہے۔
0
20
