بنگلورو: ورلڈ کپ میں نیوزی لینڈ اور سری لنکا کے میچ کے دوران اینجلیو میتھیوز اور کین ولیمسن کی ویڈیو وائرل ہوگئی۔
بنگلورو میں کھیلے جارہے میچ میں سری لنکا کی ٹیم پہلے بیٹںگ کرتے ہوئے 46.4 اوورز میں 171 رنز پر ڈھیر ہوگئی اور نیوزی لینڈ کو جیت کے لیے 172 رنز کا ہدف دیا جس کے تعاقب میں نیوزی لینڈ کی بیٹنگ جاری ہے۔
کوشال پریرا 51 رنز بنا کر ٹاپ اسکورر رہے، سری لنکا کے 6 کھلاڑی ڈبل فیگرز میں بھی داخل نہ ہوسکے۔
کوشل مینڈس 6 رنز بنا کر ٹرینٹ بولٹ کا نشانہ بنے، نسانکا دو رنز بنا کر پویلین لوٹ گئے، سدیرا سماراوکرما 1 رن بنا کر چلتے بنے۔
اینجلیو میتھیوز 16 رنز بنا کر آؤٹ ہوئے، دھنن جیا ڈی سلوا 19 رنز بناسکے، تھکشانا 38 رنز بنا کر ناٹ آؤٹ رہے۔
نیوزی لینڈ کی جانب سے ٹرینٹ بولٹ نے تین کھلاڑیوں کو پویلین کی راہ دکھائی، لوکی فرگیوسن، مچل سینٹنر اور رچن رویندرا نے دو، دو وکٹیں حاصل کیں۔
تاہم جب اینجلیو میتھیوز بیٹنگ کے لیے آئے تو کین ولیمسن نے ان سے کہا کہ ہیلمٹ کا اسٹریپ چیک کرلیا ہے، ولیمسن کے یہ کہنے پر میتھیوز بھی مسکرا دیے۔
Kane Williamson asking Angelo Mathews if he had checked his Helmet strap when he came to bat. #NZvsSL #WorldCup2023india #ICCWorldCup #AngeloMatthews pic.twitter.com/cHbdneWEZ8
— Saber (@SabirCafe) November 9, 2023
ویڈیو میں دیکھا جاسکتا ہے کہ کیوی فاسٹ بولر ٹرینٹ بولٹ بھی میتھیوز سے ٹائم آؤٹ سے متعلق کچھ کہتے ہوئے دکھائی رہے ہیں۔
Angelo Mathews is the fastest man on the planet #NZLvsSL pic.twitter.com/klFn6q6YUD
— Sportsbet.com.au (@sportsbetcomau) November 9, 2023
واضح رہے کہ ورلڈ کپ میں بنگلہ دیش اور سری لنکا کے میچ میں سدیرا کی وکٹ گرنے پر میتھیوز میدان میں آئے، بیٹنگ کیلئے ہیلمٹ پہنا ہی تھا کہ اس کا اسٹریپ ٹوٹ گیا جب انہوں نے دوسرا ہیلمٹ منگوایا تو آنے میں وقت لگ گیا تھا۔
اسی دوران بنگلادیشی کپتان شکیب الحسن نے امپائر سے اپیل کردی، امپائر نے سوچ بچار کرکے میتھیوز کو آؤٹ قرار دے دیا، جس کے بعد تجربہ کار سری لنکن کرکٹر اینجلو میتھیوز ‘ٹائم آؤٹ’ قرار پانے والے پہلے انٹرنیشنل کرکٹر بن گئے تھے۔
ورلڈکپ پلئینگ کنڈیشن کے مطابق وکٹ گرنے کے بعد نئے بیٹر کو دو منٹ کے اندر گیند کھیلنے کیلئے تیار ہونا ہوتا ہے، میتھیوز ایسا نہ کرسکے تو اُنہیں ٹائم آؤٹ قرار دے دیا گیا تھا۔
تاہم شکیب الحسن کو اس اقدام پر سابق و موجودہ کرکٹرز، شائقین کرکٹ کی جانب سے تنقید کا نشانہ بنایا گیا۔
