ہفتہ, فروری 8, 2025
اشتہار

’بھارت میں ورلڈ کپ جیتنا بی سی سی آئی کے منہ پر بڑا طمانچہ ہوگا‘

اشتہار

حیرت انگیز

پاکستان کے سابق کپتان شاہد آفریدی کا پختہ یقین ہے کہ بھارت کے لیے اس سے بڑی ذلت نہیں ہو گی کہ وہ اپنے ہوم گراؤنڈ پر ورلڈکپ میں پاکستان کے ہاتھوں شکست کھا جائے۔

سابق آل راؤنڈر نے اس بات کو دہرایا کہ انتظامیہ اپنے قومی کھلاڑیوں کو جانے، ورلڈ کپ کھیلنے اور ٹرافی جیت کر واپس آنے پر زور دے اس ساری صورتحال کو مثبت اور ہوشیاری سے سنبھالنا چاہیے۔

ایک بیان میں انہوں نے کہا کہ مجھے سمجھ نہیں آرہی کہ وہ [پی سی بی] اتنے اٹل کیوں ہیں کہ ہم ہندوستان نہیں جائیں گے انہیں صورتحال کو آسان بنانے اور یہ سمجھنے کی ضرورت ہے کہ ایک بین الاقوامی کرکٹ ٹورنامنٹ ہو رہا ہے اسے مثبت انداز میں لیں۔

ان کا کہنا تھا کہ قومی کھلاڑیوں کو کہنا چاہیے کہ جاؤ اور کھیلو اور ٹرافی جیتو، پوری قوم آپ کے پیچھے کھڑی ہے یہ نہ صرف ہمارے لیے ایک بڑی جیت ہوگی بلکہ بی سی سی آئی کے منہ پر ایک زوردار طمانچہ ہوگا۔

سابق کپتان نے کہا کہ بھارت جاؤ، اچھی کرکٹ کھیلو اور ٹرافی جیتو ہمارے پاس صرف یہ آپشن ہے کہ ہمیں وہاں جانا ہے ورلڈ کپ کے ساتھ واپس آنا ہے اور انہیں واضح پیغام دینا ہے کہ ہم کہیں بھی جا سکتے ہیں اور فتح حاصل کر سکتے ہیں۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں