کراچی: وزیر تعلیم سندھ سردار علی شاہ نے سردیوں کے دوران اسکولوں کو یونیفارم کوڈ میں نرمی کی ہدایت کی ہے۔
تفصیلات کے مطابق صوبائی وزیر تعلیم کی ہدایت پر ڈائریکٹوریٹ آف پرائیوٹ انسٹیٹیوشن نے نجی اسکولوں کو ایک مراسلہ جاری کیا ہے، جس میں یونیفارم کوڈ میں نرمی کی ہدایت کی گئی ہے۔
محکمہ تعلیم سندھ نے مراسلے میں کہا کہ سردیوں کے دوران نجی اسکول طلبہ کے یونیفارم میں نرمی برتیں، اور بچوں کی صحت کی خاطر سردی سے بچاؤ کے اقدامات میں ان کے ساتھ تعاون کیا جائے۔
مراسلے میں محکمہ تعلیم نے ہدایت کی ہے کہ سردی کے دنوں میں طلبہ جو گرم کپڑے پہن سکتے ہیں انھیں اس کی اجازت دی جائے، اور اسکول کے کلاسز میں بھی سردی سے بچاؤ کے لیے ہر ممکن اقدامات کیے جائیں۔
بدھ اور جمعرات کو عام تعطیل کا اعلان
واضح رہے کہ سندھ حکومت نے 2 دن کی چھٹی کا اعلان کیا ہے، صوبائی حکومت کی جانب سے جاری نوٹیفکیشن کے مطابق 25 دسمبر بروز بدھ قائد اعظم محمد علی جناح کے یوم پیدائش کے موقع پر تمام سرکاری دفاتر میں عام تعطیل ہوگی، جب کہ مسیحی ملازمین کے لیے کرسمس کے سلسلے میں 26 دسمبر کو چھٹی ہوگی۔
