کراچی : شادی ہال کی بکنگ کے معاملے پر غیر شادی شدہ افراد کے لیے نئی مشکل کھڑی ہوگئی، اب ودہولڈنگ ٹیکس ادا کرنا ہوگا۔
تفصیلات کے مطابق شادی ہال میں تقریب پر ودہولڈنگ ٹیکس نافذ کردیا گیا ، اب شادی ہالز کی بکنگ پر ودہولڈنگ ٹیکس ادا کرنا ہوگا۔
شادہ ہال والے مہنگے ترین ہالوں کی بکنگ پر اب ود ہولڈنگ ٹیکس بھی وصول کریں گے۔
شادی کی تقریبات پر 10 فیصد ود ہولڈنگ ٹیکس وصول کرنے پر شادی ہال مالکان اور ایف بی آر میں معاملات طے پاگئے۔
شادی ہال ایسوسی ایشن کے صدررانا رئیس نے کہا کہ شادی ہالوں پر تقریب کرنے پر پارٹی سے 10 فیصد ود ہولڈنگ ٹیکس لیا جائے گا، ود ہولڈنگ ٹیکس لینے کا فیصلہ ایف بی آر حکام کی ہدایت کے تحت کیا گیا۔
ان کا کہنا تھا کہ شادی ہالز کے کرائے کے علاوہ 10 فیصد ود ہولڈنگ ٹیکس وصول کیا جائے گا اور ودہولڈنگ ٹیکس کی رقم کا شادی ہال مالکان کا کوئی تعلق نہیں۔
انھوں نے شادی کی تقریبات کرنے والے شہریوں سے گزارش ہے کے ود ہولڈنگ ٹیکس کے معاملے پر ایف بی آر پالیسی کا خیال رکھیں۔
