لاہور: ہیلمٹ کا استعمال نہ کرنے والوں کے گرد شکنجہ مزید سخت کر دیا گیا ہے، نئے احکامات کے تحت ہیلمٹ کا استعمال نہ کرنے والوں کی موٹر سائیکل بند کر دی جائے گی۔

تفصیلات کے مطابق پنجاب میں ہیلمٹ استعمال نہ کرنے والے موٹر سائیکل سواروں کے خلاف قانونی گرفت مزید سخت کر دی گئی ہے۔

[bs-quote quote=”محکمہ داخلہ کی جانب سے احکامات پر پنجاب بھر میں عمل در آمد کی ہدایت” style=”style-7″ align=”left” color=”#dd3333″][/bs-quote]

ذرائع کا کہنا ہے کہ محکمہ داخلہ پنجاب نے بغیر ہیلمٹ موٹر سائیکل بند کرنے کے احکامات جاری کر دیے ہیں۔

اس سے قبل بغیر ہیلمٹ موٹر سائیکل سواروں کو پیٹرول فراہم کرنے والے پمپس کے خلاف کارروائی کی ہدایت بھی جاری کی جا چکی ہے۔

ایڈیشنل سیکریٹری داخلہ نے ڈی آئی جی ٹریفک پنجاب کو احکامات دے دیے، محکمہ داخلہ کی جانب سے ان احکامات پر پنجاب بھر میں عمل در آمد کی ہدایت کی گئی ہے۔

یاد رہے گزشتہ سال نومبر میں راولپنڈی اور لاہور میں پابندی عائد کی گئی تھی کہ بغیر ہیلمٹ کسی موٹر سائیکل سوار کو پیٹرول فراہم نہیں کیا جائے گا۔

یہ بھی پڑھیں:  کراچی میں اب موٹرسائیکل سوارکوبغیرہیلمٹ پیٹرول نہیں ملےگا

جس کے بعد دو روز قبل ڈی آئی جی ٹریفک نے اعلان کیا کہ کراچی میں بھی اب موٹرسائیکل سوار کو بغیر ہیلمٹ پیٹرول نہیں ملے گا، خلاف ورزی کرنے والے پمپ مالکان کے خلاف کارروائی کی جائے گی۔

اس سلسلے میں ڈی آئی جی ٹریفک جاوید مہر نے کمشنر کراچی کوخط بھی ارسال کیا کہ پیٹرول پمپوں کو نوٹی فکیشن جاری کیا جائے، اوگرا نے بھی ہدایت کر دی ہے کہ ہر صورت پابندی کویقینی بنایا جائے۔