The news is by your side.

Advertisement

شارجہ: 38 سالہ خاتون نے ہائی وے پل سے چھلانگ لگادی

شارجہ: متحدہ عرب امارات کے شہر شارجہ میں 38 سالہ خاتون نے ہائی پل سے چھلانگ لگا کر اپنی زندگی کا خاتمہ کرلیا، عجمان میں عرب خاتون کی خودکشی کی کوششش کو پولیس نے ناکام بنادیا۔

عرب میڈیا کے مطابق 38 سالہ خاتون نے شارجہ کے ہائی وے پل سے چھلانگ لگادی، پولیس نے ابتدائی تحقیقات میں خاتون کے اقدام کو خودکشی قرار دے دیا۔

پولیس کے مطابق خاتون نے پل سے چھلانگ لگائی تو وہاں سے گزرتی ہوئی تیز رفتار گاڑیوں نے انہیں کچل دیا جبکہ ابتدائی تحقیقات میں قتل کا عنصر موجود نہیں لگتا یہی ہے کہ خاتون نے خودکشی کی ہے۔

شارجہ پولیس کے مطابق ہفتہ کی صبح 7 بجکر 43 منٹ پر کال موصول ہوئی کہ خاتون نے ہائی روڈ پر بنے پل سے چھلانگ لگادی ہے، ریسکیو ٹیموں نے خاتون کو اسپتال منتقل کیا تاہم وہ راستے میں ہی دم توڑ گئیں۔

شارجہ پولیس کی جانب سے خاتون کی شناخت ظاہر نہیں کی گئی ہے تاہم اتنا بتایا گیا ہے کہ خودکشی کرنے والی خاتون ایشیائی ہیں۔

ایک دوسرے واقعے میں عجمان کی رہائشی  45 سالہ عرب خاتون نے بھی اپنے اپارٹمنٹ کی بالکونی سے خودکشی کرنے کی کوشش کی جسے پولیس نے ناکام بنادیا۔

عرب میڈیا کے مطابق عجمان سے تعلق رکھنے والی خاتون نے خودکشی سے قبل پولیس کو فون کیا اور کہا کہ میں اپنی زندگی کا خاتمہ کررہی ہوں یہاں پر ایمبولینس بھیج دیں۔

پولیس ریسکیو ٹیموں کے ہمراہ فوری جائے وقوعہ پر پہنچی اور خاتون کی خودکشی کی کوشش کو ناکام بنادیا پولیس کا کہنا ہے کہ خاتون مالی مسائل سے دوچار ہوتے ہوئے یہ اقدام اٹھانے پر مجبور ہوئی تھی۔

Comments

comments

یہ بھی پڑھیں