site
stats
پاکستان

سوشل میڈیا پر مرد کو بلیک میل کرنے والی خاتون گرفتار

سیالکوٹ : برطانیہ میں مقیم پاکستانی شہری کی شکایت پر سوشل میڈیا پر بلیک میل کرنے والی سیالکوٹ کی رہائشی خاتون کو ایف آئی اے نے حراست میں لے لیا ہے۔

تفصیلات کے مطابق برطانیہ میں مقیم پاکستانی نژاد شخص کی شکایت پر ایف آئی اے نے کارروائی کرتے ہوئے سیالکوٹ کی رہائشی خاتون کوگرفتار کر کے لیپ ٹاپ تحویل میں لے کر تحقیقات کا آغاز کر دیا ہے۔

یوں تو سوشل میڈیا پر خواتین کو ہراساں کرنے کے واقعات عام ہیں لیکن اپنی نوعیت کا انوکھا واقعہ پیش آیا ہے جس میں ایک مرد نے کسی خاتون پر ہراساں کرنے اور بلیک میل کرنے پر ایف آئی اے کو شکایت درج کرائی ہے۔

برطانیہ میں مقیم احسن رانا نے اپنے بھائی کے توسط سے ایف آئی اے کو شکایت درج کرائی کہ سیالکوٹ کی رہائشی خاتون سعدیہ نہ صرف انہیں سوشل میڈیا پر ہراساں کرتی تھی بلکہ خطیر رقم کا مطالبہ بھی کیا تھا۔

ایف آئی اے نے فوری کارروائی کرتے ہوئے سیالکوٹ سے ملزمہ سعدیہ مرزا کو گرفتار کر کے لیپ ٹاپ تحویل میں لے لیا ہے جب کہ مذکورہ خاتون کے دونوں بھائی بیرونِ ملک مقیم ہیں اور سعدیہ مرزا سیالکوت میں اکیلی رہتی تھیں جس کے باعث کیس میں کچھ مشکلات کا سامنا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top