ٹک ٹاک پر ایک ویڈیو کو فالو کرتے ہوئے خاتون کو مائیکروویو اوون میں انڈے اُبالنا بہت مہنگا پڑ گیا۔
رپورٹس کے مطابق 37 سالہ خاتون نے ٹک ٹاک پر وائرل ہونے والی انڈے کو نئے انداز میں ابالنے کی ویڈیو کو دیکھتے ہوئے اسے کرنے کوشش کی جو خاتون کے گلے پڑ گئی۔
رپورٹ میں بتایا گیا کہ خاتون نے ایک برتن میں ابلتے ہوئے پانی میں انڈوں کو ڈالا اور پھر اسے کچھ وقت کے لیے مائیکرو ویو میں رکھ دیا تاہم چند منٹ بعد خاتون نے مائیکرو ویو سے برتن نکالا اور ٹھنڈا چمچ انڈوں پر لگایا۔
خاتون نے چمچ انڈوں پر لگایا ہی تھا کہ انڈے پھٹ گئے، گرم پانی اور انڈے خاتون کے چہرے پر گرے جس کی وجہ سے ان کا چہرہ کچھ جگہوں سے جھلس گیا۔
واقعے کے بعد خاتون نےگزارش کی کہ ٹک ٹاک پر وائرل ہونے والے ٹرینڈ کو کبھی فالو نہ کریں اس سے آپ خطرے میں پڑ سکتے ہیں۔
