The news is by your side.

Advertisement

میت کوغسل دینے والی بیٹی اورخاتون کرونا میں‌ مبتلا

چمن، قرنطینہ سینٹر سے کرونا وائرس کے 2 مریض فرار

مٹیاری: سندھ کے شہر مٹیاری میں میت کی تدفین کے بعد بیٹی اور غسل دینے والی خاتون کرونا وائرس میں مبتلا ہوگئیں۔

اے آر وائی نیوز کی رپورٹ کے مطابق 66 سالہ کرونا مریضہ 2 دن پہلے جناح اسپتال کراچی میں انتقال کرگئی تھیں، خاتون کی میت کی تدفین کے بعد بیٹی اور غسل دینے والی خاتون کرونا وائرس میں مبتلا ہوگئیں۔

ڈپٹی کمشنر مٹیاری کا کہنا ہے کہ دو روز قبل جناح اسپتال انتظامیہ نے میت ورثا کے حوالے کردی تھی، مریضہ کی بیٹی اور غسل دینے والی خاتون کا کرونا ٹیسٹ مثبت آیا ہے۔

ڈپٹی کمشنر مٹیاری کے مطابق ٹیسٹ کے نمونے لے کر مریضہ کے گھر اور 2 کالونیوں کو سیل کردیا گیا ہے۔

قرنطینہ سینٹر سے کرونا وائرس کے 2 مریض فرار

ادھر بلوچستان کے شہر چمن میں قرنطینہ سینٹر سے کرونا وائرس کے 2 مریض فرار ہوگئے، فرار مریضوں میں سے ایک کا تعلق چمن اور دوسرے کا خیبرپختونخوا سے ہے۔

انتظامیہ کا کہنا ہے کہ بھاگنے والے دونوں مریض افغانستان سے واپس آئے تھے، افغانستان میں پھنسے ڈرائیورز، کنڈیکٹر کو وطن واپسی پر قرنطینہ سینٹر منتقل کیا گیا تھا۔

انتظامیہ کے مطابق مریضوں کو پکڑنے کے لیے ضلع کی تمام چیک پوسٹوں کو آگاہ کردیا گیا ہے۔

واضح رہے کہ ملک میں کرونا وائرس سے اموات کی تعداد 256 ہوگئی ہے، کرونا وائرس کے تصدیق شدہ کیسز کی تعداد بڑھ کر 12227 ہوگئی۔

Comments

یہ بھی پڑھیں