ہفتہ, مئی 18, 2024
اشتہار

ایئرپورٹ کی لفٹ سے گر کر خاتون ہلاک، خوفناک ویڈیو سامنے آگئی

اشتہار

حیرت انگیز

انڈونیشیا میں ایک خاتون ایئرپورٹ کی لفٹ سے گرنے کے بعد ہلاک ہوگئی۔ لفٹ کے اندر لگے سی سی ٹی وی کی فوٹیج سامنے آگئی۔

غیر ملکی میڈیا کی رپورٹس کے مطابق 36 سنتا دیوی 24 اپریل کو ایئرپورٹ کی لفٹ سے گر کر ہلاک ہوئی تھیں جبکہ انتظامیہ اس حادثے سے کئی دنوں تک لاعلم رہی۔

ہوائی اڈے پر بدبو پھیلنے کی شکایات پر تحقیقات کی گئیں تو لفٹ کے نیچے سے سنتا دیوی کی لاش ملی جسے فوری طور پر پوسٹ مارٹم کیلیے اسپتال منتقل کر دیا گیا۔

- Advertisement -

سی سی ٹی وی فوٹیج میں دیکھا جا سکتا ہے کہ سنتا دیوی نے لفٹ میں داخل ہونے کے بعد دوسری منزل کیلیے بٹن دبایا اور اپنے موبائل فون میں مگن ہو گئیں۔

لفٹ کا دروازہ بند نہ ہونے پر انہوں نے دوبارہ وہی بٹن دبایا اور پھر بار بار دباتی رہیں۔ فوٹیج میں انہیں پریشان ہو کر کال کرتے ہوئے بھی دیکھا جا سکتا ہے۔

تھوری دیر بعد لفٹ کا دروازہ ایک طرف سے بند ہونے کے بعد دوسری طرف سے کھل گیا۔ خاتون تنگ ہو کر جلد بازی میں باہر نکلیں اور نیچے گر کر ہلاک ہوگئیں۔

پولیس نے واقعے کی ہر پہلو سے تحقیقات کا آغاز کر دیا۔ اب تک 12 عینی شاہد، ایئرپورٹ حکام اور سکیورٹی اہلکار کو شامل تفتیش کیا گیا ہے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں