بھارتی حیدرآباد میں اسپیشل آپریشن ٹیم اور نارسنگی پولیس نے ایک نوجوان لڑکی کو حراست میں لے لیا ہے جو گوا سے حیدرآباد منشیات منتقل کررہی تھی۔
بین الاقوامی خبر رساں ادارے کی رپورٹ کے مطابق لاونیا نامی لڑکی کو نارسنگی علاقہ میں باوثوق ذرائع کی اطلاع پر روک کر چیک کیا گیا تو اس کے پرس سے منشیات بر آمد ہوئی جسے ضبط کرلیا گیا۔
تحقیقات کرنے پر یہ بات سامنے آئی کہ لڑکی کا گوا سے منشیات لاکر شہر میں فروخت کرنے کا ارادہ تھا، لڑکی کے خلاف این ڈی پی ایس ایکٹ کے تحت مقدمہ درج کرلیا گیا ہے۔
دوسری جانب بھارتی دارالحکومت نئی دلی میں ایک افسوسناک واقعہ پیش آیا جب 30 سالہ شخص نے آئی این اے میٹرو اسٹیشن پر چلتی ٹرین کے سامنے آکر اپنی زندگی کا خاتمہ کرلیا۔
بین الاقوامی خبر رساں ادارے کی رپورٹ کے مطابق اجیتیش سنگھ نامی شخص نے چلتی ٹرین کے سامنے چھلانگ لگادی، مذکورہ منظر اسٹیشن پر لگے سی سی ٹی وی کیمروں میں قید ہوگیا۔
Video caution ⚠
देखिए दुःखद CCTV दिल्ली INA मेट्रो ट्रैक पर एक शख्स ने कूदकर आत्महत्या कर ली पुलिस के मुताबिक देर शाम उन्हें करीब 7.38 पर एक शख्स के मेट्रो के समनर कूदने की कॉल मिली थी जिसके बाद पुलिस मौके पर पहुंची तो पता चला प्लेटफार्म नम्बर 2 पर बदली तरफ जाने वाली मेट्रो… pic.twitter.com/fEWHpv1aS1
— Lavely Bakshi (@lavelybakshi) January 28, 2024
پولیس حکام واقعے کی اطلاع ملنے پرجائے وقوعہ پر پہنچ گئے اور لاش کو پوسٹ مارٹم کیلئے اسپتال روانہ کردیا۔
بھارتی پولیس ذرائع کے مطابق خودکشی کرنے والے اجیتیش سنگھ کی شناخت ان کے موبائل فون پر آئی کال کے ذریعے کی گئی۔