The news is by your side.

Advertisement

راولپنڈی: خاتون کے ہاں بیک وقت 4 بچوں کی پیدائش

راولپنڈی کے بینظیر بھٹو اسپتال میں خاتون نے بیک وقت چار بچوں کو جنم دے دیا۔

اے آر وائی نیوز کے مطابق راولپنڈی کے بینظیر بھٹو اسپتال میں خاتون کے ہاں بیک وقت چار بچوں کی پیدائش ہوئی ہے جس میں تین بیٹیاں اور ایک بیٹا شامل ہے۔

اسپتال ذرائع کے مطابق خاتون کا تعلق چکوال کی تحصیل تلہ گنگ سے ہے۔

اسپتال انتظامیہ کا کہنا ہے کہ بچوں کی پیدائش آپریشن کے ذریعے ہوئی ہے، والدہ اور تمام بچے صحت مند ہیں۔

مزید پڑھیں: پشاور میں خاتون کے ہاں بیک وقت 5 بچوں کی پیدائش

خاتون آمنہ بی بی کے شوہر امیر سلطان کا کہنا ہے کہ اب میری چار بیٹیاں اور ایک بیٹا ہوگیا، چار بچوں کی پیدائش پر بہت خوش ہوں۔

واضح رہے کہ گزشتہ ماہ پشاور کے لیڈی ریڈںگ اسپتال (ایل آر ایچ) میں خاتون نے پانچ بچوں کو جنم دیا تھا۔

اسپتال انتظامیہ کا کہنا تھا کہ خاتون کے ہاں پانچ بچوں کی پیدائش ہوئی جس میں پانچوں لڑکے شامل ہیں، ماں اور بچے صحت مند ہیں۔

خاتون کا تعلق خیبرپختونخوا کے ضلع لکی مروت سے تھا۔

Comments

یہ بھی پڑھیں