سپر اسٹور میں ایک خاتون کی نامناسب اور کراہیت آمیز حرکت نے سوشل میڈیا صارفین کو غم و غصے میں مبتلا کردیا، لوگوں کا کہنا ہے کہ خاتون کو اس کی سزا دی جانی چاہیئے۔
سوشل میڈیا پر وائرل ہونے والی یہ ویڈیو صارفین کو غصے اور بے چینی میں مبتلا کرنے کا سبب بن رہی ہے، ویڈیو میں یہ واضح نہیں کہ واقعہ کس ملک یا شہر کا ہے۔
ویڈیو میں ایک خاتون موجود ہیں جو ایک سپر مارکیٹ میں خریداری کرنے آئی ہیں۔ خریداری کرتے ہوئے انہیں فریج میں آئسکریم نظر آتی ہے تو اسے کھول کر ایک پیکٹ نکال لیتی ہیں۔
اگلے ہی لمحے وہ پیکٹ کھول کر اسے زبان سے چکھتی ہیں اور اس کے بعد اس کی پیکنگ بند کر کے واپس فریج میں رکھ دیتی ہیں۔
ان کی یہ ویڈیو سوشل میڈیا پر وائرل ہوجانے کے بعد صارفین نے سخت غم و غصے کا اظہار کیا، ایک صارف کا کہنا تھا کہ کرونا وائرس کی وبا کے زمانے میں یہ ایسا خطرہ ہے جس کا کسی کو علم نہیں۔
ایک صارف نے کہا کہ اب سپر اسٹور کی اشیا ان کے لیے ناقابل بھروسہ ہوگئیں۔
صارفین کا کہنا تھا کہ ان خاتون کو تلاش کر کے انہیں سخت سزا دی جائے کیونکہ انہوں نے بہت سے لوگوں کی جان خطرے میں ڈال دی۔
