کراچی: اسلام آباد انٹرنیشنل ایئرپورٹ پر خاتون مسافر تقریباً 20 لاکھ مالیت کی قیمتی اشیا بھول گئیں، بعد ازاں سامان ان کے رشتے دار کے حوالے کیا گیا۔
تفصیلات کے مطابق اسلام آباد انٹرنیشنل ایئرپورٹ پر خاتون مسافر کا 20 لاکھ روپے مالیت کا سامان اس کے رشتہ دار کے حوالے کر دیا گیا۔
- Advertisement -
علی الصبح فلائٹ سے لندن جانے والی خاتون مسافر اپنا بیگ ایئر لائن کاؤنٹر پر بھول گئی تھی، اطلاع ملنے پر ڈی ایف او ڈیپارچر نے بیگ ڈھونڈ کر لوسٹ اینڈ فاؤنڈ میں جمع کرا دیا۔
ترجمان سی اے اے کے مطابق بیگ میں موجود 8 تولہ سونا، ایک لاکھ روپے، لیڈیز سوٹس اور دیگر اشیا کی کل قیمت تقریباً 20 لاکھ روپے تھی، رابط کرنے پر ایئرپورٹ منیجر کے دفتر میں بیگ خاتون مسافر کے بھتیجے کے حوالے کر دیا گیا۔
