کولمبیا میں 25 سالہ خاتون کے پالتو کتے نے انہیں بھنبھوڑ کر شدید زخمی کر دیا جس کی سی سی ٹی وی فوٹیج سامنے آگئی ہے۔
خاتون اپارٹمنٹ کی لفٹ کے باہر جوتوں کے تسمے باندھ رہی تھیں کہ کتے نے حملہ کر دیا۔ ویڈیو میں خاتون کو اپنے کتے کو لفٹ کے اندر لے جانے کے لیے گھسیٹتے دیکھا جا سکتا ہے۔
کتے نے مالکن کا بازو بڑی مضبوطی سے جبڑے سے پکڑے رکھا جب کہ خاتون اپنا بازو چھڑانے کے لیے ہر ممکن کوشش کرتی رہیں۔
Meu Deus s na Colômbia está mulher sofre um ataque de Pit Bull! pic.twitter.com/rdmpM5eNDV
— Margoberndpin🇧🇷🇧🇷🇧🇷 (@Margo06971686) March 20, 2022
ایک موقع پر خاتون جبڑے سے ہاتھ چھڑانے میں کامیاب ہوگئیں اور اور انہوں نے فوراً سے لفٹ کا بٹن دبا دیا اور پہلی منزل پر پہنچ گئیں۔
آخر کار خاتون کی ایک رشتہ دار نے مدد کی اور انہیں فوری طور پر اسپتال منتقل کیا۔ خاتون کا بازو خون میں لت پت تھا جب کہ انہیں جسم کے دیگر حصوں پر بھی زخم آئے۔
