مشی گن: امریکا میں مسجد کےباہر مظاہرہ کرنےوالی خاتون کو مسلم خواتین نے گلے لگالیا اورمسجد کےاندرلےگئیں، اسلام مخالف مظاہرہ کرنے والی چند منٹ کی بات چیت میں اسلام دوست بن گئی۔
امریکی ریاست مشی گن میں مسجد نورکےباہروہ اسلام مخالف مظاہرہ کررہی تھی،پوسٹرز پراسلام مخالف نعرے لکھے ہوئے تھے مسجد سےچندمسلم خواتین اورمرد باہر آئے اوراس سے بات شروع کی۔
کچھ دیر تو گرما گرم بحث ہوتی رہی، پھرامریکی خاتون کی اسلام کے بارے میں غلط فہمی دورکی گئی اورپھراس نے ہتھیارڈال دیے دونوں خواتین گلےملیں اورغیرمسلم خاتون کو مسجد میں ناشتے کےلیےمدعو کیا گیا۔
احتجاج کرنےوالی کو مسجد کی طرف جاتا دیکھ کر موقع پر موجود پولیس اہلکار بھی حیران اورپریشان ہوا مسجد میں خاتون کا تالیوں سے استقبال ہوا،سیلفیاں بنیں،کافی اورڈونٹس کاناشتہ کیا گیا۔
احتجاج کی کال دینے والی تنظیم نےحامیوں کو کہا تھا کہ اپنےلائسنس یافتہ ہتھیار بھی ساتھ لائیں۔