بھارت میں ایک ماں نے بچے کو جنم دیتے ہی اسے ساڑھے 4 لاکھ روپے میں فروخت کردیا، پولیس نے فوری کارروائی کر کے مذموم کوشش ناکام بنا دی۔
بھارتی میڈیا کے مطابق واقعہ ریاست جھاڑ کھنڈ میں پیش آیا جہاں آشا دیوی نامی خاتون نے جنم دیتے ہی اپنا لخت جگر فروخت کردیا۔
پولیس نے اطلاع ملتے ہی فوری کارروائی کی اور 24 گھنٹے کے اندر بچے کو دوسرے ضلعے سے بازیاب کرنے کے ساتھ ساتھ 11 افراد کو گرفتار کرلیا۔
نومولود کو ایک نواحی گاؤں کے رہائشی جوڑے نے خریدا تھا جس نے 1 لاکھ روپے آشا دیوی اور بقیہ ساڑھے 3 لاکھ روپے پروکرز کو ادا کیے۔
پولیس نے مقدمہ درج کر کے تفتیش کا آغاز کردیا ہے۔
